I thanë se vajza kishte bërë aksident dhe i duheshin 10 mijë euro, si u mashtrua nëna në Shkup

Një nënë nga Shkupi është mashtruar keq nga një burrë dhe një grua akoma të paidentifikuar.

Asaj i kanë marrë shumën 10 mijë euro.

Sipas MPB, një ditë paraprakisht në telefonin e saj të shtëpisë i është paraqitur një grua dhe është paraqitur si vajza e saj dhe, e cila i ka thënë se ka bërë aksident dhe e ka pyetur sa para kanë në shtëpi.

Menjëherë pastaj bisedën e ka vazhduar një burrë, i cili shkupjanes 43 vjeçare i ka thënë se vajza në aksident e ka shkelur një vajzë nga Shqipëria e cila ka ndërruar jetë, dhe për këtë vajza mund të shkojë në burg prej 5 deri në 15 vjet.

Pastaj, burri ka shkuar përpara shtëpisë së saj dhe nëna e shqetësuar ia ka dhënë 10.000 euro.

Ajo e ka marrë vesh se është mashtruar kur është dëgjuar me vajzën e saj.