Kryedemokrati Lulzim Basha, edhe sot vendosi tw takojw nga afwr tregtarë dhe pronarë biznesesh në Tiranë, ku bisedoi për krizën e shkaktuar nga pandemia në vend.
Tregtarët u ankuan për mungesë mbështetje nga qeveria, ndërsa thanë se konsumi ka rënë dhe se janë detyruar të mbyllin vende pune nga pamundësia për t’i paguar.
Të lidhura
None found
“Puna është copë-copë, dy-tre veta kanë ardhur, pesë shitje për dy javë. I kemi hequr sepse s’ka punë, s’të leverdis.”- i tha një tregtar Bashës.
“Këtë duhet të kishte bërë shteti, ata të pestë t’i mbante me rrogë nga taksat tuaja se taksat për këtë punë duheshin”- u shpreh kreu i PD.
Një tregtar tregoi se ka mbajtur në punë 3 vetë dhe ka hequr 3 të tjerë, ndërsa pagesën e ndihmës nuk e kanë marrë. “Nuk e kuptoj pse e mbajnë deri në 5.30. Atëherë sulmon koronavirusi? Nuk e di si do të funksionojë kjo punë, por jemi në pikë të hallit”- tha një tregtar tjetër.
“Është për t’u paguar qera, sigurimet shoqërore. Dyqani me të vërtetë ka një javë që është hapur, por xhiroja është në nivelet më minimale”- i tha një tregtar Bashës, ndërsa një tjetër donte të dinte pse qeveria nuk ndihmon qytetarët e saj, megjithëse ka siguruar financime nga Europa dhe FMN-ja. “Ku janë këto pare?”- pyeti një pronar biznesi gati në faliment.
“Paret po shkojnë tek pesë njerëz. Si përpara pandemisë, si përpara tërmetit pesë njerëz marrin të gjitha paret e taksave tuaja”- tha Basha.
