“Djali të më vriste mua, pastaj të shkonte tek Drita”. Kështu shprehet Violeta Zotaj, nëna e njërit prej autorëve të vrasjes makabre të Drita Saliajt në Mallkaster.
“Drita, Hairi dhe çuni Vani ishin njerëz florinj. Ne hanim e pinim bashkë. Punonim në arë bashkë me Dritën. Vani (djali i viktimës) dhe Visi janë njësoj.
Të lidhura
None found
Të arrijë djali im të bëjë vrasje tek ajo nuk ka mundësi…ai të më vriste mua pastaj të shkonte atje”, shprehet mes lotës Drita Zotaj, banorë e fshatit Gjermës të Mallakastrës.
Ervisi ka pirë qumësht tek ajo…e merrte dhe i thoshte “do pish sisë te gegeja”. Të bëjë Visi im këtë, më dhemb shpirti për Dritën. E kisha shumë shoqe më 2 Janar e urova. Ajo s’më dëgjon… ngrehu Drita dëgjo ca po them”, shprehet mes lotësh Violeta e cila nuk mundi ta vazhdojë më bisedën.
Ngjarja
Më datë 5 Janar, në mbrëmje 3 persona kanë shkuar në banesën e Drita Saliajt e cila jetonte e vetme në Gjerbë të Mallakastrës, ndërsa burrin dhe fëmijët i kishte në Greqi. Mendohet se Drita u ka servirur edhe kafe “mysafirëve” të cilët ishin aty me qëllimin për ta grabitur. Tre autorët e krimit e kanë mbytur me shall Dritën e më pas trupin e kanë transportuar në një rezervuar me ujë. Familjarët janë alarmuar pasi Drita nuk përgjigjej në telefon. Më datë 6 Janar ata kanë denoncuar në polici, e cila ka zbardhur ngjarjen dhe ka arrestuar autorët. Ata janë: Luis Saliaj 16 vjeç (nipi i bashkëshortit të viktimës) Sindi Shehaj 16 vjeç dhe Ervis Zotaj 26 vjeç.
Masa e sigurisë për të tre të pandehurrit pritej të zhvillohej ditën e sotme, por një gjë e tillë nuk ka ndodhur.Dosja e tyre ka mbërritur në Gjykatën ne Fierit, ndërsa masa për të tre autorët pritet të vendoset nesër. Familjarët janë distancuar dhe kanë kërkuar dënim maksimal për autorët e krimit të rëndë.
