Një ngjarje e rëndë ka ndodhur pak më parë në Tiranë ku një i ri dyshohet se është hedhur nga një lartësi e konsiderueshme në zonën e Astirit në Tiranë.
Mësohet se ai është rreth 30-vjeç dhe ka rënë nga lartësia e një pallati në rrethana ende të panjohura.
Policia ndodhet në vendngjarje dhe po vijon punën për zbardhjen e plotë të rrethanave të ngjarjes.
Njoftimi i policisë
Tiranë/Informacion paraprak
Më datë 01.08.2020, rreth orës 20:15, në Unazë të Re, dyshohet se është vetëhedhur nga lartësia shtetasi O.H., 30 vjeç, i cili ndodhet në spital, nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes.
