Përdhunimi i vajzës 15 vjeccare në Babrru të Tiranës, ka tronditur gjithë Shqipërinë.
Të akuzuarit për veprën e rëndë, Abaz Dogu dhe tre të rinjtë ndodhen aktualisht në gjykatën e Tiranës për dhënien e masës së sigurise.
Siç duken edhe nga pamjet, fillimisht në sallë janë futur Abaz Dogu dhe Klajdi Poçi, të cilët mbajnë kokën poshtë, duke mbuluar fytyrën me duart e tyre për të mos u filmuar nga kamerat.
Dogu, Poçi dhe dy të rinj të tjerë që janë nën moshë, akuzohen se përdhunuan për një kohë të gjatë një 15 vjeçare në zonën e Babrrusë në Tiranë duke e shantazhuar përmes publikimit të videove intime dhe shkrimin e emrit në muret e pallateve të lagjes.
Të katërt ata u arrestuan pak ditë më parë dhe sot pritet që gjykata të japë masën e sigurisë.