Kreu i PDIU, Shpëtim Idrizi ka publikuar në Facebook foton e një djali të mitur i veshur me fanellën e Çamërisë.
Kur ai ishte vetëm 1 vjeç, fotoja e tij nga marashimi i Qafë Botës bëri xhiron e rrjeteve sociale. Në bluzën e tij lexohej në anglisht “I love Çamëria” (Unë e dua Çamërinë).
Sipas kreut të PDIU, e gjitha është fryt nga edukimi prindëror me historinë, krenarinë dhe traditën Çame e cila është trashëguar brez pas brezi.
Edhe sot, kur Estiani është më i rritur, ai mban veshur fanellën e Çamërisë, kur bashkëmoshatarët e tij mbajnë ato të ekipeve të futbollit, shkruan kreu i PDIU, Idrizi.
Postimi i Idrizit:
Fotoja e Estian Haxhiut, 1 vjeç në Qafë-Botë
ka mbetur në kujtesën tonë, e veçantë…
Çamëria i rrit fëmijët e saj çdo ditë me krenari për emrin e saj!
Shkëlqim Haxhiu, babai, e mëkon Estianin çdo ditë me historinë, kulturën, traditën e krenarinë për Çamërinë.
Estiani sot është rritur, e ndërsa moshatarët e tij mbajnë veshur fanellat e ekipeve të futbollit, ai mban fanellën e Çamërisë!
#ÇAM JAM /albeu.com/
