Shteti fqinj, Greqia ka ratifikuar marrëveshjen për njohjen e ndërsjellë të lejeve të drejtimit mes Shqipërisë dhe Greqisë.
E thënë ndryshe, shqiptarët mund të drejtojnë mjete në shtetin grek pa pasur nevojë të pajisen me leje ndërkombetare drejtimi.
Marrëveshja e firmosur që në 11 maj 2018, pjesë e paketës së çështjeve të pazgjidhura Shqipëri-Greqi, i vjen në ndihmë shtetasve shqiptarë dhe grekë.
Marrëveshja lehtëson jetën e qytetarëve, shmang sorollatjen nëpër zyra, harxhimin e kohës dhe parave, duke kursyer 700 euro për qytetarët shqiptarë.
