Çdo vit Yahoo Finance kurorëzon kompaninë më të mirë të vitit me Microsoft që merr vendin e parë për 2021.
Por këtë vit Yahoo Finance kurorëzoi edhe kompaninë më të keqe të vitit, titull të cilin e mori kompania mëmë e Facebook, Meta.
Sipas anketës ku u përfshinë 1 mijë individë, Facebook mori 50% më shumë vota krahasuar me Alibaba, një platformë Kineze e-commerce.
Ata që morën pjesë në anketë shprehnin shqetësim për censurën, dëmin ndaj shëndetit mendor dhe privatësinë.
Pavarësisht skandaleve, ribrandimi i Facebook në Meta nis një drejtim të ri për kompaninë sipas CEO Mark Zuckerberg. Ai premton që të ndërtojë metaverse, një botë plotësisht dixhitale ndërsa kritikët thotë se ribrandimi është një përpjekje për të larguar vëmendjen nga skandalet dhe problemet e vërteta të Facebook. /PCWorld Albanian
