Mistral, lamtumira e fundit e Bugatti-t për motorin ikonik W16

Rreth vitit 2026 do të shënojë një kapitull vendimtar në historinë e Bugatti-t.

Prodhuesi francez po përgatitet të ndahet nga Grupi Volkswagen dhe njëkohësisht t’i japë fund epokës së motorit W16.

Makina e fundit rrugore që bart këtë njësi të fuqishme është roadster-i Mistral, i njëjti motor që shtyente edhe hiperveturën vetëm për pistë Bolide, modeli i së cilës u kufizua në 40 ekzemplarë dhe prodhimi u përfundua para nëntorit 2025.

Ekzemplari i fundit i Bugatti W16 Mistral është pagëzuar në mënyrë kuptimplote “I Fundit i Llojit të Vet” dhe shfaq një livery të dyfishtë ngjyrash Pearl dhe Sparkle.

Brendësia pasqyron zgjedhjet personale të blerësit që porositi këtë makinë të veçantë, ku nënshkrimi i themeluesit Ettore Bugatti zbukuron si mbështetëset e kokës ashtu edhe pragjet e hyrjes.

Si çdo Mistral tjetër, edhe ky model i fundit kaloi një proces rigoroz testimi prej 400 kilometrash para se t’i dorëzohej pronarit të ri.

Megjithëse Bugatti kishte deklaruar më herët se nuk do të ndiqte më rekorde, në nëntor të vitit 2024, Mistral i vlerësuar në 5 milionë euro u kurorëzua si vetura më e shpejtë e prodhimit pa çati në glob.

Nën drejtimin e pilotit Andy Wallace, W16 Mistral regjistroi një shpejtësi maksimale prej 453.91 km/h.

Edhe pse prodhimi i makinave të reja me motor W16 ka përfunduar, entuziastët kanë ende mundësinë të sigurojnë një njësi përmes Programit të veçantë Solitaire.