Corvette ZR1X e vitit 2027 mund të arrijë një vlerë marramendëse në ankand

Një Chevrolet Corvette ZR1X i vitit 2027 po shitet në ankand për një shumë që ka kaluar tashmë 400 mijë dollarë, rreth 340 mijë euro.

Edhe pse çmimi bazë i këtij modeli ishte 209.595 dollarë, ose afërsisht 178 mijë euro, pajisjet shtesë të përfshira në konfigurim e kanë çuar vlerën e tij në 296.100 dollarë, rreth 252 mijë euro.

Nën kapak ndodhet një motor V8 me dy turbo dhe vëllim 5.5 litra, i mbështetur nga një njësi elektrike. Kombinimi zhvillon një fuqi totale prej 1.250 kuajsh.

Me sistemin e lëvizjes në të gjitha rrotat, Corvette ZR1X arrin shpejtësinë 100 kmh nga vendi për vetëm 1.68 sekonda, ndërsa çerek miljen e përshkon për 8.67 sekonda.

Interesi për këtë ekzemplar është edhe më i lartë pasi automjeti nuk është regjistruar dhe as nuk i është shitur më parë një pronari privat. Për më tepër, ai ruan garancinë e plotë të fabrikës.

Në rast se ritmi i ofertave vijon të rritet, çmimi i Corvette ZR1X mund të shkojë deri në afro 425 mijë euro, duke e vendosur atë përballë supermakinave me kosto shumë më të lartë. /Telegrafi/