BMW ka prezantuar Concept 7 Protection, një sedan luksoz i pajisur me mbrojtje të posaçme kundër sulmeve me armë zjarri.
Edhe pse ruan linjat elegante të Serisë 7, modeli i ri është projektuar me një qasje diskrete, duke u ngjasuar në pamje dhe funksionalitet me një automjet të zakonshëm, ndryshe nga versionet më të rënda të makinave të blinduara.
Të lidhura
None found
Mbrojtja e pasagjerëve sigurohet nga xhamat antiplumb, çeliku balistik dhe materiale të përforcuara, të cilat janë krijuar për t’i rezistuar plumbave të armëve të shkurtra.
Concept 7 Protection ofron gjithashtu një sistem komunikimi brenda kabinës dhe alarm të dedikuar për raste sulmi, duke shtuar nivelin e sigurisë.
Blindimi nuk ka ardhur në kurriz të komoditetit, pasi kabina përmban lëkurë premium, detaje Alcantara dhe pasqyra dixhitale.
Në gjysmën e dytë të vitit 2027, gama e Serisë 7 pritet të zgjerohet edhe me një konsolë të pasme të palosshme, e pajisur me tavolinë dhe kuti frigoriferike.
