Juventusi ka konfirmuar se Igor Tudor ka nënshkruar një zgjatje kontrate deri në qershor të vitit 2027, me një opsion për një sezon tjetër.
Zonja e Vjetër konfirmoi zgjatjen e kontratës së trajnerit kroat me një deklaratë zyrtare në rrjetet sociale.
“Pasion. Karizëm. Shpirt Juventusi. Fjalë që përshkruajnë në mënyrë të përsosur atë që Igor Tudor i ka sjellë Juventusit që kur mori drejtimin e Ekipit të Parë të Meshkujve në fund të marsit – dhe atë që ai do të vazhdojë të përfaqësojë në vitet në vijim”.
Igor Tudor renews with Juventus 🤍🖤
Congratulations, Coach! 💪
— JuventusFC 🇬🇧🇺🇸 (@juventusfcen) June 13, 2025
“Tani është zyrtare: Tudor ka rinovuar kontratën e tij me Juventusin. Trajneri kroat do të drejtojë Ekipin e Parë të Meshkujve deri më 30 qershor 2027, me një opsion për ta zgjatur edhe me një vit tjetër deri më 30 qershor 2028”.
“Sfida e tij e radhës fillon këtë verë, ndërsa ekipi shkon në Shtetet e Bashkuara për ndeshjen e tyre të parë konkurruese në Kupën e Botës për Klube FIFA”, thuhet në njoftim. /Telegrafi/
