Viktor Gyokeres shënoi në barazimin 1-1 të Suedisë ndaj Bosnjës dhe Hercegovinës, në ndeshjen e Ligës së Kombeve të luajtur të premten në mbrëmje.
Me golin e realizuar në këtë takim, sulmuesi i Arsenalit u bë futbollisti i parë në historinë e kompeticionit që shënon në gjashtë ndeshje radhazi.
Të lidhura
None found
Vetëm gjatë këtij pushimi ndërkombëtar, Gyokeres kishte gjetur më herët rrugën e rrjetës edhe në përballjet me Rumaninë dhe Poloninë.
Seria e tij, megjithatë, kishte nisur në vjeshtën e vitit 2024, para se ai të transferohej te Arsenali.
Fillimisht, suedezi shënoi ndaj Estonisë dhe Sllovakisë, ndërsa më pas realizoi katër gola në sfidën kundër Azerbajxhanit.
Gyokeres do të ketë mundësinë ta zgjasë edhe më tej rekordin e tij, pasi Suedia do të luajë të hënën në transfertë ndaj Rumanisë.
