Elton Fikaj është një emër i cili i është bashkuar së fundmi rregullisht Kombëtares U21 të Shqipërisë, duke treguar aftësitë e tij si një mbrojtës i majtë, pasi ka shkëlqyer me fanellën e ekipeve të moshave të Panathinaikosit.
Por në ndeshjen e fundit me ekipin e të rinjve të klubit grek, përballë Asteras Tripoli, 19-vjeccari Fikaj ka rënë në sy për një gol të jashtëzakonshëm, shumë të rrallë, pasi ka shënuar nga rreth 75 metra.
Mbrojtësi i majtë po ekzekutonte një goditje dënimi pranë zonës së tij kur pa portierin kundërshtar i cili doli më shumë se sa duhej, shkruan Panorama Sport.
Kështu, mbrojtësi shkelmoi topin me forcë dhe i ndihmuar edhe nga hutimi i portierit të skuadrës kundërshtare, dërgoi sferën në rrjetë nga një distancë e pabesueshme.
SHIH VIDEON
