Vinicius Junior u emërua sot (3 qershor) si lojtari më i mirë i sezonit në Ligën e Kampionëve pasi e udhëhoqi Real Madridin drejt lavdisë evropiane, së bashku me Jude Bellingham i cili u shpall lojtari i ri më i mirë.
Sulmuesi brazilian shënoi gjashtë gola dhe bëri pesë asistime gjatë këtij rrugëtimi të Real Madridit, duke përfshirë një gol në finalen e fituar me rezultat 2-0 ndaj Borussia Dortmundit në ‘Wembley’.
✨🇧🇷 Vinícius Júnior is the 2023/24 #UCL Player of the Season 🙌#UCLfinal
— UEFA Champions League (@ChampionsLeague) June 3, 2024
Ky triumf ndaj ekipit gjerman do të thotë se Real Madridi u shpall kampion i Evropës për herë të 15-të në historinë e klubit.
“Unë jam shumë i lumtur që e kam fituar një tjetër Ligë të Kampionëve me këtë klub, i cili më ka dhënë mua shumë”, ka thënë Vinicius.
Mesfushori anglez Bellingham e fitoi çmimin si lojtari i ri më i mirë i sezonit në Ligën e Kampionëve, pas një sezoni të parë të mrekullueshëm me gjigantin spanjoll.
Jude Bellingham is the 2023/24 #UCL Young Player of the Season! 👏#UCLfinal
— UEFA Champions League (@ChampionsLeague) June 3, 2024
20-vjeçari shënoi katër gola dhe dhuroi pesë asistime në Ligën e Kampionëve, të cilët po ashtu u shpallën kampion edhe në La Liga.
“Nuk kam fjalë ta përshkruaj. Është nata më e mirë e jetës sime. Ky ishte gati një sezon perfekt”, ka thënë Bellingham.
