Tragjedi në familjen e Costacurtës, i vdes e ëma në aksident me makinë

Një ngjarje e rëndë ka ndodhur në Itali, ku nëna e ish-futbollistit të Milanit, Alesandro Costacurta, ka ndërruar jetë si pasojë e një aksidenti me makinë.

Margerita Bekegato u përplas me një shtyllë mëngjesin e sotëm, përplasje e cila ka rezultuar fatale për 87-vjeçaren.

Policia italiane dyshon se shkak është bërë një debulesë në timon e nënës së Kostakurtës për shkak dhe të moshës së madhe, e cila po e ngiste vetë makinën.

Aksidenti ndodhi në Lombardi, aty ky familja e ish-mbrojtësit të Milanit ka jetuar gjithmonë.

Sipas mediave italiane, në vendngjarje mbërritën të gjithë familjarët e të moshuarës, por ishte shumë vonë.

Një lajmi i trishtë ky për Kostakurtën, i cili kaloi 21 vite të karrierës së tij me fanellën e Milanit, për tu tërhequr nga futbolli përfundimisht në vitin 2007.


Shtuar 23.07.2021 15:43