Sot dita e Dybala, “gladiatori” i ri prezantohet te Roma

Sot do të jetë dita e prezantimit të Paulo Dybalas si lojtari më i ri i Romës. Argjentinasi u largua si lojtar i lirë nga Juventusi, teksa zgjodhi verdhekuqtë për të vazhduar karrierën.

Ish-lojtari i “Zonjës së vjetër” po stërvitet në Trigoria dhe më në fund do të debutojë me fanellën e re.

Siç raportohet nga “Corriere dello Sport”, trajneri Jose Mourinho do të ketë një kartë të vërtetë për repartin ofensiv që mund të vendoset si sulmues përkrah Abrahamit në 3-5-2 ose të tërhiqet në 3-4-2-1.

Sonte klubi organizoi një event të vërtetë për prezantimin e lojtarit. Sipas burimit rreth 50 mijë fansa mund të jenë të pranishëm për të parë blerjen e re.

Ndërkohë, nesër mund të debutojë me fanellën e Giallorossëve në miqësoren në Trigoria, me dyer të mbyllura, kundër Ascolit.

Shtuar 26.07.2022 12:25