Ish-portieri legjendar, Gianluigi Buffon, ka folur së fundmi për fillimet e karrierës së tij.
Gardiani italian është shprehur se në momentin që filloi karrierën te Parma, shumë ekipe e kërkuan, por ai përfundoi duke u dashuruar me Juventusin.
Buffon tregon se mund të transferohej te Barcelona, Roma apo Porto, por gjithmonë dilte diçka që e mbante te “Zonja e Vjetër”.
“Në vitin 2001 nuk e di sesi unë përfundova te Juventusi. Parma më kishte shitur te Roma, por për çështje detajesh, në fund u prish gjithçka, pas në mes u fut Barcelona. Edhe ata u duk sikur e mbyllën me klubin, por ndërkohë më thonë që duhet të shkoj te Juventusi dhe të firmos.
Pasi kalova në Torino, çdo vit më kërkonin diku. Si në vitin 2004 kur isha unë që refuzova një klub shumë të madh.
Pastaj isha sërish pranë Romës në 2011-ën, por doja të punoja me Antonio Conten.
Gjithashtu, edhe kur u ktheva nga Paris Saint-Germain, unë mund të transferohesha te Porto, ku kisha parë edhe qytetin, por Andrea Pirlo, asokohet trajner i Juventusit, erdhe dhe më tha: ‘Gigi, tani që erdha unë, ti do ikësh?’, dhe sigurisht nuk mund të refuzoja një mikun tim”, ka thënë legjenda e futbollit italian, Gianluigi Buffon.
