Kombëtarja shqiptare e vajzave ka mësuar sot kundërshtaren e saj për fazën “play-off” të Kampionatit Botëror “Brazil 2027”. Shorti i zhvilluar në selinë e UEFA-s përcaktoi që përfaqësuesja kuqezi të ndeshet me Uellsin në raundin e parë të “play-off”-it.
Bëhet fjalë për një rivale të njohur për Shqipërinë, pasi të dyja ekipet ishin pjesë e Grupit 1 në Ligën B të kualifikueseve të Botërorit. Gjithsesi, përballja pritet të jetë e vështirë, duke qenë se Uellsi e përfundoi grupin në vendin e parë me 14 pikë në 6 ndeshje.
Të lidhura
None found
Edhe bilanci i dueleve direkte flet në favor të skuadrës uellsiane, që ka fituar në të dyja takimet ndaj Shqipërisë. Në transfertë ndaj Uellsit, vajzat kuqezi u mundën 4-0, ndërsa në Shqipëri kundërshtaret triumfuan me rezultatin 0-1.
Pavarësisht këtyre rezultateve, precedentët nuk thonë gjithmonë gjithçka, pasi vajzat kuqezi kanë treguar shpesh se dinë të befasojnë në fushë. Ndeshja e parë e “play-off”-it është planifikuar për më 7 tetor, ndërsa takimi i kthimit do të zhvillohet 6 ditë më pas.
