Tifozët e Liverpoolin nuk e kanë pëlqyer aspak merkaton e klubit e tyre që nënshkroi vetëm me Ibrahima Konate.
The Reds shihen kandidat për titull së bashku me ekipe si Chelsea, Manchester City dhe Manchester United, që kanë bërë blerje më shumë.
Por Liverpool ka punuar më shumë në rinovimin e kontratave me lojtarët kryesorë.
Emra si Jordan Henderson, Virgil van Dijk, Fabinho, Alisson, Andy Robertson dhe Trent Alexander-Arnold kanë vazhduar me klubin dhe do të jenë aty edhe për disa vite.
Në listë ka mbetur vetëm edhe një, Mohamed Salah. Egjiptiani aktualisht ka më pak se dy vite në kontratën e tij aktuale, me një pagë prej 233,000 euro në javë.
Sidoqoftë, sipas Mirror , Salah tani po kërkon 583 mijë euro në javë për të qëndruar në “Anfield Road”, dyfishin e asaj që ofron klubi.
Kjo jo vetëm që do ta bënte atë lojtarin më të paguar në historinë e Liverpoolit, por gjithashtu do ta bënte atë lojtarin më të paguar në historinë e Premier League.
Mendohet se Cristiano Ronaldo me kontratën e nënshkruar me Manchester United do të fitojë 560,000 euro në javë, por kërkesa e Salah është më e lartë.
Nuk dihet nëse Liverpooli do të pranojë të paguajë kaq shumë për egjiptianin, gjë që do të çrregullonte strukturën e pagave në klub, por ata që nga fillimi kanë qenë të gatshëm për një rritje të ndjeshme ndaj tij. Paga vjetore që kërkon Salah është pak mbi 30 milionë euro.
Që kur mbërriti nga Roma për në vitin 2017 për afër 40 milionë euro, superylli ka shënuar 127 gola.
