Kylian Mbappe ka fituar shumë lëvdata që nga dalja e tij në skenën botërore, por është veçanërisht domethënëse kur fjalët lavdëruese vijnë nga një prej sulmuesve më të mirë në historinë e futbollit, Ronaldo Nazario.
Ish-lojtari brazilian lavdëroi ritmin dhe aftësinë e sulmuesit të Paris Saint-Germain, duke theksuar se ai së shpejti do të bëhet lojtari më i mirë në botë.
“Ai është shumë i fortë, ka atë shpejtësi dhe gjakftohtësi para portës që do ta bëjë atë të jetë numri një”, tha Ronaldo në një intervistë në ‘Bobo Tv’, kanali Twitch i Christian Vierit.
“Dhe kam lexuar lajmin se ai do të shkojë në Real Madrid dhe do të fitojë 50 milionë euro në vit. Ne ishim pjesë e gjeneratës së gabuar (qesh).
“Industria e futbollit po rritet aq shumë sa është e drejtë që yjet të marrin gjithnjë e më shumë para. Nëse është kështu sot, kjo është sepse ka pasur lojtarë që i kanë frymëzuar ata, si ne.”/ h/ll/albeu.com
