Mesfushori i Manchester Cityt, Rodri ka thyer një rekord që ka qëndruar për 16 vite pas fitores 3-1 të skuadrës së tij ndaj Manchester United.
Marcus Rashford kaloi United në avantazh në pjesën e parë me një goditje të mrekullueshme nga rreth 25 metra.
Megjithatë, Phil Foden shënoi një dygolësh në pjesën e dytë dhe Erling Haaland shtoi një të tretë për të parë Cityn të merrte një fitore vendimtare në derbi.
Rezultati tani do të thotë se mesfushori i Cityt, Rodri nuk ka humbur asnjë ndeshje klubi që nga humbja 1-0 e Cityt ndaj Tottenhamit në shkurt 2023.
Që atëherë ai ka përfaqësuar Cityn në 59 sfida pa shijuar humbjen – seria më e gjatë e ‘pamposhtur’ e çdo lojtari të Ligës Premier.
Rodri e kaloi ish-mbrojtësin e Chelseat, Ricardo Carvalho, i cili kaloi 58 ndeshje pa humbje, midis nëntorit 2006 dhe shkurtit 2008.
Fitorja e Cityt gjithashtu i dha fund serisë së United prej 143 ndeshjesh në Ligën Premier pa humbur kur kryesonte në pjesën e parë. /Telegrafi/
Rodri is now unbeaten in his last 5⃣9⃣ matches in all competitions, the most ever for a player in Premier League history! 🤯 pic.twitter.com/BpymOaCWG3
— Amazon Prime Video Sport (@primevideosport) March 3, 2024
