Pas fitores 3-1 kundër Sevillas në stadiumin “Ramon Sanchez-Pizjuan” të shtunën, Rodri u bëri thirrje futbollistëve të Barcelonës të tregohen më të qetë dhe më të kujdesshëm në administrimin e topit.
Të lidhura
None found
Mesfushori spanjoll e konsideroi sfidën një leksion të vlefshëm për ekipin, veçanërisht për shkak të problemeve që katalunasit shfaqën në pjesën e parë, kur humbën shpesh zotërimin e topit.
“Humbëm shumë topa të panevojshëm në pjesën e parë. Ndonjëherë duhet të jemi më të qetë me topin. Kjo ndeshje kërkonte më shumë qetësi, për të bërë pasime të kontrolluara”.
Sipas Rodrit, Barcelona duhet t’i analizojë këto gabime dhe të shmangë përsëritjen e tyre në ndeshjet e ardhshme.
“Mendoj se kjo ndeshje na dha një mësim shumë të rëndësishëm. Nëse vazhdon të bësh të njëjtin gabim, pse ta bësh përsëri?”, tha spanjolli.
Kontributi i Rodrit ishte i rëndësishëm në rikthimin e kontrollit nga Barcelona, ndërsa Raphinha vulosi suksesin 3-1 duke kompletuar het-trikun.
Me këtë rezultat, katalunasit regjistruan fitoren e shtatë radhazi në shtatë takime të La Liga-s dhe shkuan në kuotën e 21 pikëve.
