Rei Manaj është aktualisht pa ekip dhe shumë afër rikuperimit nga dëmtimi që pësoi në muajin dhjetor. Pasi u nda përkohësisht me Uotfordin, sulmuesi shqiptar është në kërkim të një ekipi që të mbyllë sezonin, teksa ditët e fundit shumë ekipe kanë dalë në skenë, nga Italia dhe Spanja.
Raportimi i fundit bëhet nga “El Periodico”, ku thuhet se Real Saragoza mendon të nënshkruajë me Rei Manajn deri në qershor.
Të lidhura
None found
Klubi aragonez po shqyrton opsionin për të marrë shërbimet e sulmuesit, edhe pse nuk është e lehtë duke qenë se lëndimi është në mes dhe ai do të rikthehet në mars. Saragoza militon në Kategorinë e Dytë spanjolle, në pozita jokomode pasi katër pikë më poshtë ndodhet edhe vendi që rrëzohet nga kategoria.
Në këtë kampionat Manaj mund të gjejë edhe dy shqiptarët e tjerë, Myrto Uzunin, i cili është pjesë e Granadës e golashënuesi më i mirë i kampionatit, dhe Armando Sadikun, pjesë e Kartagjenës. Ndërkohë Manaj mund të bëhet sulmuesi i tretë shqiptar në këtë kampionat.
