Rafael Leao mund të largohet nga Milani gjatë ditëve të ardhshme, pasi Aston Villa ka nisur të interesohet seriozisht për sulmuesin anësor të kombëtares portugeze.
Gianluca Di Marzio raporton se klubi nga West Midlands po zhvillon bisedime me Milanin, me synimin për të arritur një marrëveshje për shumën e transferimit.
Të lidhura
None found
27-vjeçari raportohet se e mirëpret mundësinë për t’u transferuar në Ligën Premier. Kjo ka bërë që largimi i tij nga San Siro të konsiderohet më i mundshëm se në çdo moment tjetër të këtij afati kalimtar.
Interesimi i Aston Villas vjen pasi Leao i tha jo një oferte fitimprurëse nga Superliga Saudite. Portugezi duket se preferon një projekt të nivelit të lartë dhe konkurrues në Evropë, përpara një transferimi te Galatasaray.
Gjatë sezonit të kaluar, Leao ishte golashënuesi më i mirë i Milanit në Serie A, ku realizoi 9 gola në 29 ndeshje kampionati.
Vlera e kartonit të yllit portugez llogaritet në 50 milionë euro, megjithëse marrëveshja mund të mbyllet edhe për një shumë disi më të ulët.
