PSG shpreson që do ta bindin Interin që të pranojë 60 milionë euro plus një ose më shumë lojtarë në mënyrë që të lirojnë Achraf Hakimin.
Është raportuar në Itali dhe Francë që Nerazzurrët kanë refuzuar ofertën prej 60 milionë euro për mbrojtësin e krahut.
Interi dëshiron të paktën 80 milionë euro për t’u ndarë me 22-vjeçarin.
Kjo për shkak se ata paguan 45 milionë euro në shtator 2020 për ta nënshkruar nga Real Madridi.
Sipas le10sport.com në Francë, PSG tani shpreson të kapërcejë hendekun duke ofruar një ose më shumë lojtarë si pjesë e marrëveshjes.
Kjo mund të jetë e vështirë, pasi Interi ka nevojë për fonde dhe gjithashtu të ul kostot, kështu që do të duhet të sjellë lojtarë me paga relativisht të ulëta.
Hakimi ka rënë dakord për kushtet personale me Paris Saint-Germain.
