Javier Tebas, presidenti i La Liga-s, tha këtë të mërkurë se është në dijeni se disa klube, të udhëhequra nga presidenti i Real Madridit, Florentino Perez, po punojnë në një projekt tjetër të Superligës, në këtë rast “kontinental”, i cili shkon kundër UEFA-s dhe Ligës Angleze”.
Tebas , i cili mori pjesë në prezantimin e edicionit të katërt të Genuine Santander League, kampionatit të futbollit për personat me aftësi të kufizuara intelektuale, foli për informacionin që ka se një tjetër projekt i ngjashëm me Superligën mund të jetë duke u hartuar nga disa prej klubeve të mëdha botërore, shkruan albeu.com.
“Siç them gjithmonë, Florentino nuk humbet kurrë, ai gjithmonë kërkon diçka. Superliga është një koncept që filloi shumë vite më parë me klubet e mëdha dhe veçanërisht Florentinon.
“Ky koncept vazhdon të ekzistojë dhe ata i japin shumë rëndësi asaj që thotë Bashkimi Evropian, por nuk mendoj se është aq i rëndësishëm sepse qeveritë e Evropës tashmë janë pozicionuar dhe ajo që bëjnë gjykatat është të zbatojnë rregullat e miratuara nga Bashkimi Evropian, i cili e ka shumë të qartë se nuk i do projektet e Superligës”, tha ai.
“Unë e di që ata janë duke punuar në një projekt tjetër sepse atë që kanë bërë tashmë ka dështuar në nivelin e konkurrencës dhe ata tashmë e dinë që anglezët nuk do të jenë atje. Ky projekt tjetër do të jetë përsëri një dështim. Është një projekt më kontinental pa skuadrat angleze dhe kjo nuk shkon vetëm kundër UEFA-s, por kundër Premier League”. /albeu.com/
