Pogradeci vijon të përforcohet në prag të sezonit të ri, teksa pak minuta më parë ka bërë të ditur dy transferimet e fundit që do të jenë nën urdhrat e trajnerit Emiljano Çela.
Të lidhura
None found
Klubi liqenor prezantoi fillimisht Jorgo Meksin. Mbrojtësi i djathtë i bashkohet skuadrës si lojtar i lirë, pasi përvoja e tij e fundit ishte me Dinamon. Më pas u zyrtarizua edhe Dorant Ahmetaj, portieri 24-vjeçar që ka përfunduar aventurën me Besën, një prej rivalëve të Pogradecit në Kategorinë e Parë.
Me këto dy afrime, organika e pogradecarëve po merr formë hap pas hapi. Përgatitjet do të japin verdiktin përfundimtar përpara nisjes së edicionit 2026/27, ku objektivi mbetet i pandryshuar: ngjitja në Abissnet Superiore.
