Manchester United është duke përgatitur ofertë për sulmuesin e RB Salzburgut, Patson Daka.
United që i është afruar shumë titullit këtë edicion, synon përforcime tjera në verë në mënyrë që të garojë në edicionin tjetër.
Sipas Todo Fichajes, United ka kontaktuar Salzburgun për shërbimet e Dakas, i cili thuhet se vlen 35 milionë euro.
Ky çmim do ishte shumë më i lirë nëse krahasojmë dy ‘shënjestrat’ e tjera si Erling Haaland ose Harry Kane që kushtojnë më shumë se 100 milionë euro.
Në moshën 22-vjeçare, Daka cilësohet si një ndër sulmuesit që do shkëlqejnë në vitet në vijim, ngase ka shënuar 48 gola në 50 ndeshje.
