Partizani ka informuar përmes rrjeteve sociale mbi gjendjen shëndetësore të mesfushorit të talentuar Tedi Malaj.
Futbollisti 19-vjeçar iu nënshtrua një operacioni pas dëmtimit të pësuar në ndeshjen miqësore kundër Skënderbeut, të zhvilluar nga “të kuqtë” gjatë fazës përgatitore. Tashmë, Malaj pritet të nisë procesin e rikuperimit nën kujdesin dhe monitorimin e stafit mjekësor.
Të lidhura
None found
Tedi Malaj është pjesë e Partizanit që prej 29 gushtit të vitit 2024, kur nënshkroi kontratën e tij të parë profesionale, me kohëzgjatje 3-vjeçare. Ai u evidentua fillimisht në ekipet e moshave të klubit, ndërsa ka përfaqësuar edhe Kombëtaren shqiptare U-19, me 14 paraqitje dhe 3 gola të realizuar.
