Kanë mbetur edhe 50 ditë që Real Madridi të nënshkruajë Mbappé pa u varur nga PSG , 50 ditë që objektivi i madh i “galaktikëve” të jetë i lirë për të negociuar pasi kontrata e tij të përfundojë në qershor 2022 .
Që nga mbyllja traumatike e merkatos së fundit në të cilën Madridi dhe galaktika e re e dëshiruar nuk mund të bashkoheshin në rrugët e tyre në fund të gushtit, nuk ka pasur shumë lajme, por ka pasur lëvizje, deklarata, vendime dhe situata të reja. Ky është ‘Operacioni Mbappé’ 50 ditë pasi Madridi mund ta nënshkruajë atë.
A është ende vendimi i lojtarit për të nënshkruar me Real Madridin?
Pozicioni i Mbappe për të ardhmen e tij mbetet i vendosur në synimin e tij për t’i dhënë fund ciklit në PSG dhe për të nisur një aventurë të re si lideri i padiskutueshëm i projektit të ri sportiv që Real Madrid po përgatit . Kështu thonë ata që dinë detaje të operacionit.
Mbappé e pranoi publikisht se ai kërkoi të largohej nga PSG në verë për të shkuar te Real Madrid dhe kjo dëshirë mbetet e fortë. “I thashë PSG-së në korrik se doja të largohesha”, tha ai kur theu heshtjen tetorin e kaluar pas verës intensive. r.t/albeu.com
