Që kur Alex Ferguson njoftoi tërheqjen e tij nga pankina e Man United në vitin 2013, pas më shumë se dy dekadash plot sukses, klubi anglez nuk ka qenë në gjendje të gjejë stabilitetin për të krijuar një projekt të ri fitues.
Në këto 9 vite kanë kaluar deri në shtatë teknikë, të gjithë me stile krejtësisht antagoniste, të paaftë për të punuar me një staf që ndryshonte tërësisht çdo dy vjet.
Vitet e fundit ka mbërritur lojtarë si Pogba, Maguire, Sancho, Shaw, Wan-Bissaka, Bruno Fernandes por klubi vuan.
Për lojtarët, Manchester United duhet të luftojë për të gjithë titujt vit pas viti. Por realiteti është se që nga viti 2013, ka arritur të shtojë vetëm një Europa League, një FA Cup, një Carabao Cup, raporton Sport.
Nuk ka asnjë trofe të Ligës së Kampionëve që kur Ferguson u largua nga Manchester United dhe nuk ka arritur të arrijë në gjysmëfinale të kompeticionit më të lartë kontinental.
Në dy raste ata kanë qëndruar në fazën e grupeve, në dy të tjera kanë arritur në 16-finale dhe në dy të tjera kanë kaluar në çerekfinale. Asgje me shume. Liga e Kampionëve i ka treguar United se ka ende shumë punë për të bërë për të qenë ndër më të mirët. Sigurisht, tashmë me trajnerin e tetë. /albeu.com/
