Napoli ndalet nga Verona, Milani ka shansin për të rimarrë kreun (VIDEO)

“Napolitanët” barazuan me rezultat 1 – 1, ndeshje që ishte mjaftë e baraspeshuar.

Verona kaloi fillimisht në epërsi falë sulmuesit Simeone që u asistua nga Barak (13′).

Por, pas vetëm pesë minutave, Di Lorenzo barazoi rezultatin pas një asistimi të Fabian Ruiz (18′).

Ylli i Kosovës, Amir Rrahmani pastaj bëri një ndërhyrje, që u ndëshkua me karton të verdhë.

Tutje, dy skuadrat kishin raste shënimi, por që dolën të pasuksesshme deri në fund.

Me këtë barazim, Napoli mbetet përkohësisht lider në Seria A me 32 pikë, derisa Verona ngritët në pozitën e 10-të me 16 pike.

 


Shtuar 7.11.2021 20:50