Kylian Mbappe është i vendosur të largohet nga Paris Saint Germain gjatë ditëve të fundit të afatit kalimtar veror.
Sulmuesi francez ka kërkuar nga klubi i tij që ta pranojë ofertën e Realit për tu transferuar në Spanjë.
Los Blancos kanë ofruar 180 milionë euro për talentin e madh francez, ofertë që ende nuk është pranuar nga PSG.
Megjithatë mediat në Spanjë dhe Francë kanë raportuar se Mbappe tanimë është përshëndetur me të gjithë shokët e tij te PSG.
Pamjet që po qarkullojnë nëpër media shihet Mbappe me një qese që ka mbledhur gjërat e veta dhe po largohej nga qendra stërvitore e PSG-së.
Gjithnjë sipas mediave në Spanjë dhe Francë, zyrtarizimi i francezit te Realit është çështje ditësh, për mos të thënë orësh.PSG pritet ta pranojë ofertë e madrilenëve pasi Mbappe nuk ka pranuar rinovimin dhe në verën e vitit të ardhshëm mbetet lojtar i lirë.