Manchester City i thotë “jo” ofertës së parë të Barcelonës për Rodrin dhe përcakton çmimin e tij

Manchester City ka hedhur poshtë propozimin fillestar të Barcelonës, që kapte shumën prej gati 50 milionë eurosh për transferimin e Rodrit.

Sipas Daily Mail, klubi anglez e ka vlerësuar ofertën si të pamjaftueshme dhe kërkon 70 milionë euro për mesfushorin spanjoll.

Barcelona, e cila ka arritur tashmë marrëveshje të plotë me Rodrin për kushtet personale, po përgatit një ofertë të re dhe më të lartë për fituesin e Kupës së Botës me Spanjën.

Mesfushori 30-vjeçar, pasi i ka thënë jo Real Madridit, dëshiron vetëm të transferohet te Barça. Për këtë arsye, kampionët e La Ligës po përpiqen të gjejnë një kompromis me Manchester Cityn gjatë negociatave.

Në kampin katalunas mbizotëron bindja se marrëveshja mund të finalizohet në një kohë të shkurtër.

Fituesi i Topit të Artë të Kupës së Botës 2026 ka rënë dakord për një kontratë katërvjeçare me Barcelonën, nga e cila mund të përfitojë një pagë neto prej 15 milionë eurosh.