CIES, Observatori Ndërkombëtar i Futbollit, ka hartuar listën e 100 futbollistëve më të vlefshëm në botë. Në krye të listës spikat emri i Xhud Bellingham, i cili sipas analizave të propozuara vlen 267.5 milionë euro.
Disa milionë më pak kushtojnë Erling Haland i Mançester Sitit dhe ylli i Realit të Madridit, Vinicius Zhunior, të cilët mbyllin podiumin. Megjithatë, Real Madridi “sundon” renditjen, duke qenë se gjigandët e La Liga kanë tre lojtarë nga pesë në total që kalojnë shifrën 200 milionëshe.
Pozicioni i Kilë Mbapes është befasues, ndonëse duhet kujtuar se kontrata e tij skadon qershorin e ardhshëm. Pikërisht për këtë arsye ai është i 27-ti, me 106.2 milionë euro vlerë. Asnjë lojtar i Serisë A nuk është në 20 vendet e para, çka tregon rënien e futbollit italian.
Renditja:
Jude Bellingham (Real Madrid) 267,5 milion euro
Erling Haaland (Man City) 251,2 milion euro
Vinicius Junior (Real Madrid) 250,3 milion euro
Rodrygo Goes (Real Madrid) 247,9 milion euro
Bukayo Saka (Arsenal) 223 milion euro
Phil Foden (Man City) 195,8 milion euro
Gavi (Barcellona) 175,4 milion euro
Julian Alvarez (Man City) 164,7 milion euro
Jamal Musiala (Bayern) 152,4 milion euro
Martin Odegaard (Arsenal) 150,6 milion euro
/panoramasport/
