Tottenham është i hapur ta mbajë sulmuesin e Real Madridit, Gareth Bale edhe për edicionin 2021/22.
Uellsiani që fillimisht nuk gjeti formën te Spurs, ka nisur të këndellet, ku shkëlqeu në fitoren ndaj Sheffield Unitedit me het-trik.
Bale ka qenë titullar dhe ka shënuar në dy ndeshjet e fundit nën urdhrat e Ryan Mason, por shkaku i formës jo shumë të mirë nën urdhrat e Jose Mourinhos thuhej se do rikthehej te Real Madrid.
Sipas Daily Mail, presidenti i Spurs, Daniel Levy dëshiron ta mbajë Bale edhe për një sezon të dytë dhe kush do që të vijë si trajner do këtë mundësinë ta mbajë 31-vjeçarin.
Për të vazhduar edhe një sezon me Tottenham, Bale është i detyruar të nënshkruajë kontratë të re me Real Madridin, ngase kontrata momentale i skadon në qershorin e vitit 2022.
Bale ka shënuar 14 gola në 30 ndeshje në të gjitha garat këtë edicion, nëntë prej tyre ishin në Premierligë.
