Jasir Asani vijon të mbetet larg aktivitetit në fushë. Ndonëse ka një kontratë me Esteghlal FC deri në verën e vitit 2027, 31-vjeçari nuk ndodhet në Iran për shkak të trazirave në Lindjen e Mesme.
Së fundmi, sulmuesi ka mbërritur në Tiranë. Ka qenë vetë Asani ai që e ka bërë të ditur këtë përmes një fotoje të publikuar në “InstaStory”, teksa shfaqet në një nga lokalet e kryeqytetit, pikërisht në kulmin e merkatos.
Të lidhura
None found
Aktualisht, e ardhmja e lojtarit të Kombëtares shqiptare mbetet ende e paqartë, ndërsa duket se ai po kalon ditë pushimi. Pak javë më parë, Asani njoftoi vetë për një transferim të mundshëm te Getafe në Spanjë, por deri në këtë moment nuk ka pasur asnjë lëvizje.
