Interi thuhet se ka rindezur interesin për mbrojtësin e Real Madridit, Nacho dhe mund t’i bëjë një ofertë mbrojtësit spanjoll, i cili duhet të vendosë nëse do të qëndrojë në Evropë ose do t’i bashkohet një skuadre nga Major League Soccer.
Interi është sërish i interesuar për mbrojtësin e Real Madridit, Nacho dhe po mendon ta bëjë spanjollin nënshkrimin e tretë të lirë pas Mehdi Taremit dhe Piotr Zielinskit.
Sipas La Gazzetta dello Sport, interesimi i Interit për Nachon mund të jetë edhe më konkret nëse Stefan de Vrij vendos të largohet nga Giuseppe Meazza këtë verë, pasi Feyenoordi është i interesuar për qendërmbrojtësin holandez.
Interi ishte lidhur me nënshkrimin e Nachos shumë herë gjatë sezoneve të fundit dhe madje pati bisedime me rrethin e mbrojtësit spanjoll.
Nacho tashmë ka vendosur të largohet nga Real Madridi në fund të kontratës së tij në qershor dhe ka oferta nga klubet e MLS.
Megjithatë, ai ende nuk ka vendosur nëse dëshiron të largohet nga Evropa apo vetëm Real Madridi, kështu që Interi është duke e mbajtur në sy mbrojtësin me përvojë, i cili, tashmë ka refuzuar një ofertë nga ish-shoku i tij i skuadrës Xabi Alonso, trajner aktual i Bayer Leverkusenit. /Telegrafi/
