Habit Donnarumma: Penalltia e Sakas? Pas pritjes mendoja që nuk kishte përfunduar

ianluigi Donnarumma ishte heroi i Italisë në finalen e “Euro 2020”.

Italia është fituese e Kampionatit Evropian “Euro 2020”, ku triumfoi ndaj Anglisë pas ekzekutimit të penalltive.

Donnarumma u shpall lojtari i Kampionatit, por italiani priti dy penallti për ta ndihmuar skuadrën e tij ta sjellë trofeun në Romë.

Mirëpo, 21 vjeçari u pa të ishte tejet i qetë edhe pse kishte pritur penalltinë e fundit, por në fakt ai siç tregon në një intervistë nuk e kishte ditur që kishte përfunduar gjithçka.

“Të themi që pas penalltisë (së Sakas) nuk kam kuptuar që kishte përfunduar gjithçka, isha ende me emocionet e penalltisë së Jorginhos”, tha ai.

“Gjatë penalltisë së Jorginhos isha tashmë poshtë dhe pastaj shikova edhe gjyqtarin dhe VAR-in, sepse tani ata shikojnë vendosjen e këmbëve dhe unë doja të dija nëse ishte gjithçka në rregull”, tha Donnarumma.

“Pastaj kur ktheva kokën pashë shokët e mi duke vrapuar dhe nga aty kuptova gjithçka, vërtetë ishte një Kampionat Evropian i mahnitshëm dhe falënderoj edhe shokët e mi sepse kemi raporte fantastike sepse jemi si një familje”, përfundoi Gianluigi Donnarumma.

Shtuar 13.07.2021 09:33