Katër ndeshjet e ardhshme do t’i kërkojnë Egnatias të përshkojë shumë kilometra. Kampionët e Shqipërisë kanë një program të ngjeshur dhe rotacioni i skuadrës do të jetë i rëndësishëm për të kufizuar lodhjen fizike dhe rrezikun e dëmtimeve.
Të lidhura
None found
Fillimisht, rrogozhinasit do të udhëtojnë drejt Danimarkës për t’u ndeshur me Aarhusin këtë të enjte, në takimin e dytë të fazës së ligës së Conference League. Vetëm tri ditë më pas, të dielën, në orën 18:30, Egnatian e pret transferta me Dinamon në “Elbasan Arena”.
Më 29 tetor, skuadra do të luajë në stadiumin e Rrogozhinës kundër Teutës. Kjo përballje mes dy ekipeve që konkurrojnë në krye mund të japë një pamje më të qartë për drejtimin që do të marrë gara për kreun e kampionatit.
Në nëntor, para pauzës së Kombëtares, Egnatia do të përballet në transfertë me Tiranën. Katër ditë më vonë, rrogozhinasit do të luajnë sërish jashtë fushe, këtë herë ndaj Universita Craiovas në Conference League.
Para ndalesës, Egnatia do ta mbyllë këtë seri ndeshjesh në shtëpi me Vorën. Për Nevil Deden dhe lojtarët e tij, ky është një cikël i ngarkuar, ndaj trajnerit i takon të administrojë me kujdes energjitë e skuadrës.
KALENDARI
Aarhus – Egnatia, 22 tetor (jashtë)
Dinamo – Egnatia, 25 tetor (jashtë)
Egnatia – Teuta, 29 tetor (shtëpi)
Tirana – Egnatia, 1 nëntor (jashtë)
Universita Craiova – Egnatia, 5 nëntor (jashtë)
Egnatia – Vora, 22 nëntor (shtëpi)
