Egnatia ka bërë një tjetër lëvizje në merkato, duke afruar sërish në skuadër Bruno Pujën. Portieri 26-vjeçar është larguar nga Kastrioti për t’u bashkuar përsëri me klubin rrogozhinas, ku kishte luajtur në periudhën 2021-2023.
Klubi bardhejeshil e konfirmoi rikthimin e gardianit me anë të një postimi zyrtar. “Mirë se erdhe përsëri, Bruno Puja! Bruno Puja rikthehet në familjen bardhejeshile për të vazhduar rrugëtimin me Egnatian. Të urojmë mirëseardhje dhe shumë suksese në këtë kapitull të ri me fanellën kampione”, shkruan klubi i Egnatias.
Të lidhura
None found
Gjatë karrierës së tij, përveç Egnatias, 26-vjeçari ka qenë pjesë edhe e Besës, Bylisit dhe Erzenit. Në edicionin e fundit me Kastriotin, ai arriti ta mbante portën të paprekur në 4 ndeshje.
