Dybala pret biletën për Torino, e pret kontrata e re me Juventusin

Pas pushimeve në Miami (ku ai u argëtua dhe gjithashtu pati mundësinë të festonte 3 vjet fejesë me Oriana Sabatini), Paulo Dybala është gati të kthehet në Torino, ku do të takojë përsëri teknikun Massimiliano Allegri, me të cilin do të fillojë grumbullimi me 14 korrik.

Nyja e parë që do të zgjidhet, për argjentinasin, do të jetë ajo e rinovimit të kontratës, e njëjta që do ta mbajë të zënë edhe Cristiano Ronaldon: është e qartë që bardhezinjtë duan të vazhdojnë me portugezin, por mbi të gjitha argjentinasin, në qendër të projektit, por është gjithashtu e qartë se pa një ballë për ballë për të paraqitur detajet burokratike, asgjë e rëndësishme nuk mund të ndodhë.

Detyra e Allegrit nuk do të jetë e lehtë, pasi duhet të bindë Dybalën se ai do të jetë elementi më i rëndësishëm i Juventusit dhe që nuk do të ketë më probleme ose mundësi të një shitjeje të mundshme (siç ka ndodhur në kohët e fundit).

Sigurisht, sulmuesi kërkon garanci teknike dhe ekonomike, për të cilat do të mendojë agjenti i tij Jorge Antun. Të paktën 10 milion neto me shtimin e bonuseve (qëllimi është të arrijmë 12). Do të ketë kohë për t’u marrë me negociatat, por duket se deri me tani situata duket tepër optimiste.

Shtuar 11.07.2021 14:29