Elseid Hysaj do të mungojë në dy ndeshjet e para kualifikuese për Botërorin 2026 për shkak të një dëmtimi të pësuar me Lazion disa javë më parë.
Në një intervistë për UEFA-n, mbrojtësi shqiptar komentoi ndeshjen e parë të Kombëtares shqiptare ndaj Anglisë, duke e cilësuar Wembley-n si një stadium ku çdo lojtar përjeton emocionet më të bukura.
“Wembley është lloji i stadiumit që lejon një lojtar të përjetojë të gjitha emocionet më të bukura që ekzistojnë. Ne jemi përmirësuar shumë dhe besoj se të gjithë lojtarët tanë e kanë mendjen te Kupa e Botës”, tha Hysaj.
Shqipëria përballet me Anglinë sonte në orën 20:45, në një sfidë të rëndësishme për rrugëtimin drejt Botërorit 2026.
