Dinamo City ka triumfuar 2-1 ndaj Kukësit, në ndeshjen e luajtur në “Elbasan Arena”. Dinamovitët marrin kështu fitoren e parë në kampionat, në javën e 3-të.
Pjesa e parë nuk solli gol, me rastet për ekipet që ishin të pakta.
Skuadra e di Biagios mori epërsinë në minutën e 53-të me Prodanin, por nuk mundi dot të ruajë avantazhin, pasi Mustapha Gbolahan vendosi ekuilibrat, 13 minuta nga fundi.
Atëherë kur pritej vërshëllima e arbitrit, verilindorët pësojnë gol sërish nga Prodani.
Djemtë e Stavri Nicës renditen në vendin e fundit të klasifikimit me asnjë pikë të grumbulluar, ndërsa Dinamo gjendet e gjashta me 3 pikë.
Superiorja do të rikthehet në fushë nesër me dy ndeshje në program. Tirana pret në shtëpi Skënderbeun në orën 15.00, ndërsa Partizani sfdon Vllazninë 3 orë më vonë.
