Nuk ka qenë një sezon i mirë për Dele Alli ky që po lëmë pas. Fantazisti e humbi postin e titullarit në kohën e Jose Mourinhos , ndërsa ende është larg formës së tij më të mirë. Megjithatë, britaniku di si të lëvizë jashtë fushës.
Fjala është për jetën e tij private ku së fundmi ai ka nisur të frekuentohet shpesh me vajzën 20-vjeçare të Pep Guardiolës, Maria. Para pak kohëve Dele Alli mbylli aventurën me një modele, e tashmë duket se është intriguar nga vajza e teknikut spanjoll të Manchter City-t. Të dy personazhet janë fotografuar të përqafuar e duke u puthur, ndërsa nuk e kanë pasur problem nga ambienti me shumë njerëz ku ishin.
Sipas mediave britanike, ata tashmë janë në një lidhje edhe pse nuk kanë bërë asgjë në formë zyrtare. Gjithsesi, orët e shumta në shoqërinë e njëri-tjetrit vlejnë më shumë se konfirmimi me fjalë dhe në këtë formë, duket se edhe Maria po “futet” në botën e futbollit.
