Vllaznia zhvilloi në transfertë me Siroki Brijeg ndeshjen e parë të Europa Conference League.
Shkodranët u mundën me rezultatin 3-1 duke mbajtur të ndezuar shanset për kualifikim në sfidën e kthimit që do të luhet pas një jave.
Pjesa e parë në stadiumin “Pecara” të Bosnje-Hercegovinës u mbyll me avantazhin minimal 1-0, me golin e realizuar nga Stanic me penallti në minutën e 43-të.
Në fraksionin e dytë, sërish Stanic shënon nga pika e bardhë, duke dyfishuar shifrat në të 53’.
Golin e tretë e shënon Lukic në minutën e 77-të, duke thelluar avantazhin e boshnjakëve ndaj skuadrës së drejtuar nga Thomas Brdaric.
Mirëpo në fund, Çoba shënon golin e vetëm për kuqeblutë, duke shtuar shpresat për sfidën e kthimit.