Rangers i Nedim Bajramit ka siguruar kualifikimin në turin e fundit paraeliminator në rrugëtimin drejt fazës finale të Champions League 2025-2026.
Ekipi skocez u mund në takimin e kthimit të zhvilluar në Plzen përballë Viktorias vendase, e cila triumfoi me shifrat 2-1.
Ndërsa një javë më parë skocezët i ishin imponuar ekipit çek me shifrat 3-0. Sa i përket duelit të sotëm Bajrami e nisi ndeshjen nga stoli për tu aktivizuar vetëm në minutën e 87’ kur i mori vendin Antman.
Pengesa e fundit e Rangers drejt fazës finale të Champions League do të jetë fituesja e duelit Salzburg-Club Brugge.
