Belgjika arriti ta eliminojë kampionët e fundit, Portugalinë dhe sot do të përballet me Italinë në çerekfinale, e cila po tregon një imazh fantastik në këtë garë.
Ekipi i drejtuar nga Roberto Martínez dëshiron të vazhdojë me hapa të sigurt drejt titullit të parë në historinë e tyre.
Duke parë prapa, atë që kanë bërë belgët, duke i mposhtur kampionët në fuqi, është një gjë e favorshme për ta.
Kjo pasi 4 nga 5 skuadrat që gjatë gjithë historisë së Kampionateve Evropiane kanë eliminuan kampionin aktual (në raunde kualifikuese ose finale), kanë përfunduan duke ngritur trofeun.
Në fakt, vetëm Italia, rivali i tyre sot, ‘thyen’ këtë metodë, pasi që eliminoi Spanjën në raundin e 1/8 më vitin 2016, por dështoi të fitonte trofeun.
Më poshtë Marca ka rishikuar katër rastet në histori, kur ekipi që mposhti kampionin në fund fitoi titullin.
Greqia në Euro 2004
Ekipi grek ishte një nga kampionët më të papritur në historinë e turneve të këtyre përmasave. Skuadra helene përfundoi e dyta në Grupin A, ku ishin Portugalia nikoqire dhe Spanja.
Finalja e Euro 2004: Portugalia 0-1 Greqia
Në çerekfinale ata të mateshin me Francës e tmerrshme, e cila erdhi nga fitimi i EURO 1998 dhe Kupa e Botës 2000 me radhë. Një goditje me kokë nga Charisteas bëri që ndeshje të mbyllej me fitoren e grekëve (0-1 ) ndaj ekipit francez.
Danimarka në Euro 1992
Një tjetër nga surprizat e mëdha në historinë e Kampionateve Evropiane. Danimarka pushtoi Evropën në vitin 1992 kundër të gjitha mosmarrëveshjeve, duke përfunduar e dyta në Grupin A, pas Suedisë dhe duke u takuar me Holandën në gjysmëfinale.
Finalja e Euro 1992: Danimarka 2-0 Gjermani
Skuadra holandeze kishte fituar në edicionin e mëparshëm titullin në vitin 1988 me Van Basten, Gullit, Koeman, Rijkaard, por katër vjet më vonë ata nuk mundën ta mbronin titullin dhe ranë në penallti pasi barazuan 2-2 në kohën e rregullt.
Çekosllovakia në Euro 1976
Në këtë edicion të mbajtur në ish-Jugosllavi, ishte Çekosllovakia ajo që u shpall kampione. Ata mposhtën Holandën në gjysmëfinale 3-1 pas kohës shtesë, para se të shkonin në finalen e madhe kundër Gjermanisë Perëndimore.
Finalja e Euro 1976: Gjermani 2-2 Çekosllovaki (4-5)
Gjermanët kishin fituar edicionin e mëparshëm në 1972, por nuk mund të përsërisnin arritjen, pikërisht kundër çekosllovakëve, të cilët pas 2-2 dhe 120 minutash lojë, fituan në penallti. Kjo erdhi pas golit legjendar të Antonín Panenkas nga pika e badhë, pasi më parë kishte dështuar Uli Hoeness.
Spanja në Euro 1964
Titulli i parë në historinë e Spanjës kishte ardhur pasi kishin eliminuar kampionin aktual. Në gjysmëfinale, Spanja mundi Hungarinë dhe u takua me kampionin aktual të Euro 1960 në finalen e madhe. Ai ishte kampionati i parë i mbajtur.
Finalja e Euro 1964: Spanja 2-1 Bashkimi Sovjetik
Ishte Bashkimi Sovjetik , i cili katër vjet më parë kishte fituar trofeun e parë dhe nuk mundi të mposhtte ekipin spanjoll.
Golat në “Santiago Bernabeu” i shënuan Marcelino Martinez dhe Chus Pereda.
