Bayern Munchen ende nuk ka arritur të gjejë sulmues anësor që t’i “blindojë” ato pozicione dhe vazhdon të kërkojë për zgjidhje. Kingsley Coman, përgjegjës për anën e majtë sulmit, vuan herë pas here dëmtimet dhe Bayern Munchen po mendon shitjen e tij.
Madje ka gjetur edhe pasuesin e tij, në fakt e ka gjetur që në verën e shkuar. Callum Hudson-Odoi do të jetë shënjestra e Bayern Munchen këtë verë. Mediet gjermane bëjnë me dije se bavarezët po mendojnë edhe një herë të nisin një ofertë për yllin e Chelseas.
20-vjeçari ka rinovuar me Chelsean deri në verën e vitit 2024, por këtë sezon ai është aktivizuar vetëm në 10 ndeshje si titullar dhe ka shënuar 2 gola. Bayern Munchen po mundohet të shfrytëzojë minutat e pakta të tij dhe ta bëjë të tijin këtë verë me çmim të arsyeshëm.
